34 jastaǵy qazaqstandyq boksshy bul chempıondyq belbeýdi osyǵan deıin de ıelengen. Keıinnen jaraqatyna baılanysty mansabyn aıaqtaǵan edi. Qańtar aıynda kásipqoı boksqa qaıta oralǵanyn habarlaǵan bolatyn.
Qazirgi tańda Beıbit Shúmenov Búkilálemdik boks qaýymdastyǵynyń (WBA) chempıondyǵyna úmitkerler qatarynda ekinshi orynda. Ýaqytsha chempıondyq ataqqa ıe fransýz (tegi armıan) Arsen Gýlamırıanǵa ǵana jol berip tur. Ol qazaqstandyq Gennadıı Golovkınmen birge jattyǵatyn boksshylardyń biri.
Túrik boksshysy Hıznı Altýnkaı bolsa WBA tiziminde úshinshi qatarda tur. Mansabyndaǵy jekpe-jekteriniń barlyǵyn derlik Germanııada ótkizgen. Tek 2017 jyly Gdanskide (Polsha) ótkizgen ózge eldegi jalǵyz jekpe-jeginde jeńilgen. WBF júıesi boıynsha ýaqytsha chempıondyq ataqqa ıe bolǵan. Bir kezderi GBC qurlyqtyq belbeýin ıelengen boksshynyń biri.
Beıbit Shúmenov pen Hıznı Altýnkaı arasyndaǵy jekpe-jek 7 shilde kúni Astanada ótedi. Sondaı-aq osy kúni elordada WBA dırektoratynyń keńesi bolady.
Aıta keteıik, birinshi aýyr salmaqta WBA sýperchempıony ataǵyna ıe boksshy - reseılik Mýrat Gassıev. Ol da Genanyń jattyqtyrýshysy Abel Sanchespen birge daıyndalatyn boksshylardyń biri.
